Danobat group
- EMUN
- Proiektuak
- emun, erabilera, euskara, euskaraldia, motibazioa
- Euskaraldia Danobatgroupeko kooperatibetan
ERRONKA
2018ko udazkenean Euskal Herrian antolatu zen Euskaraldia ekimena DANOBATGroup-eko kooperatibetako langileen artean ezagutaraztea.
KONPONBIDEA
Euskaraldian proposatutako ariketa kooperatibetara ekartzea erabaki genuen, entsegu baten bitartez. Ariketa ofiziala azaroan zen egitekoa, eta hori baino bi hilabete lehenago, Euskaraldia partikularra antolatu genuen DANOBATGroup-en, ondoren etorriko zena simulatzeko. Bi helburu zehatz jarri genizkon: ahalik eta jende gehienak parte hartzea, eta ariketak euskararen erabileran izango zuen inpaktua neurtzea.
EMAITZA
Bost eguneko ariketatik harago, prozesu osoa izan zen emaitza: Euskaraldia bultzatzeko sustapen taldeak sortu ziren, formazioak antolatu, askotariko sustapen lanak egin, izen emateak martxan jarri eta Ahobizi edo Belarriprest pegatinak ere banatu genituen… Eta azkenik bost egunez hizkuntza ohituretan eragiteko ariketa egin genuen. Parte hartze datuak oso esanguratsuak izan ziren, baina batez ere Euskaraldia zer zen jakinaraztea lortu genuen langileen artean.
INPAKTUA
• 475 parte hartzaile, 396 Ahobizi eta 79 Belarriprest
• Ahobizien %70ek aitortu zuten euskara gehiago erabili zuela.
• Belarripresten %74k aitortu zuten euskara gehiago egin ziotela.
• Ahobizien %94 gustura aritu ziren.
• Euskararen erabilera aitortuak, gora: izen ematean, %60, eta balorazioan, %80.
Udalerrietako aisialdi antolatuaren diagnostikoak
Udalerrietako aisialdi antolatuaren diagnostikoakZornotza, Andoain, Aretxabaletako udalak eta Arabako Foru Aldundia (Amurrio)
Kirol begiraleentzako hizkuntzen kudeaketaren inguruko ikastaroa
Euskara Plana eta prentsaurrekoak euskaraz
Euskara Plana eta prentsaurrekoak euskarazReal Sociedad SAD
SD Eibarko euskara plana eta Euskararen Baloia ekimena
